राष्ट्रिय स्वतन्त्र पार्टीका वरिष्ठ नेता बालेन्द्र शाह बालेनले आफ्नो चुनावी खर्च विवरण बुझाएका छन् । उनले जिल्ला निर्वाचन कार्यालय झापामा आज खर्च विवरण बुझाएका हुन् ।
बालेन झापा ५ बाट एमालेका अध्यक्ष केपी ओलीलाई झन्डै ५० हजार मतान्तरले हराएर विजयी भएका थिए। आज उनले चुनाव लड्दा लागेको खर्च विवरण बुझाएका हुन् ।
बालेनले चुनाव लड्न कुल १४ लाख १७ हजार २ सय ८९ रुपैयाँ खर्च भएको उल्लेख गरेका छन् ।
यस्तो छ उनको खर्चको ब्रेक डाउन:
१५ दिनको लागि सवारीसाधन भाडा खर्च : २ लाख ९३ हजार ८ सय
५ पटकको हवाई भाडा खर्च : ३५ हजार
मतदाता प्रक्षिक्षण कार्यक्रममा सहभागी भएका ५८ जनालाई खाजा खर्च : २८ हजार ९ सय ७०
२९ वटा वडामा १५ दिन वडा स्तरीय घर दैलो प्रचार कार्यक्रम खर्च : ५ लाख ८० हजार
नमूना मतपत्र छपाई खर्च : ४९ हजार ८ सय ५०
२ महिनाको क्षेत्रिय निर्वाचन कार्यालयको पानी खर्च : १ लाख २० हजार
२ महिनाको क्षेत्रिय निर्वाचन कार्यालयको स्टेसनरी खर्च : २२ हजार ८ सय २०
प्रचार प्रसार सामग्री (झण्डा र ब्याच) छपाई : १ लाख ५७ हजार ४१
प्रचारप्रसारको लागि ब्यानर र स्टिकर छपाई: १ लाख १९ हजार ८ सय ८
मनोनयन दर्ता : १० हजार
