करेन्ट चाउचाउको उत्पादक यशोदा फुड्स प्रा.लि.ले आफूहरुको उत्पानद र बिक्री वितरणमा सर्वोच्च अदालतले रोक लगाएको भनी प्रकाशित समाचारप्रति ध्यानाकर्षण भएको जनाएको छ । यशोदा फुड्सले यशोदा फुड्सका उत्पादनलाई बिक्री वितरणमा सर्वोच्च अदालतले रोक लगाएको भनी दुष्प्रचार गरिएको भन्दैध्यानाकर्षण भएको जनाएको हो ।
एउटा एउटा लेबलविरुद्ध परेको मुद्दापछि आफूहरुले त्यसको उत्पादन नगरेको तर, अन्य उत्पादनहरु यथावत रहेको कम्पनीले जनाएको छ ।
यशोदा फुडसले उद्योग विभागमा करेन्ट रेगुलर २० रुपैयाँमा बिक्री गर्ने चाउचाउको ५ प्याक भनि लेबल दर्ताका लागि आवेदन नं. ०९८२२९ बाट आवेदन दिएको थियो । तर सिजी फुड्सले सो लेबलमा उत्पादन तथा बिक्री वितरणमा रोक लगाई पाऊँ भन्दै निवेदन दिएको थियो ।
करेन्ट नामको ट्रेडमार्क, लेबल समेत उद्योग विभागबाट वर्ग ३० मा दर्ता गरी प्रमाणपत्र लिई प्रचलित कानूनभित्र रहेर विभिन्न स्वादका चाउचाउ, लगायतका वस्तु उत्पादन गरिरहेको यशोदा फुड्सले जनाएको छ ।
यस बीचमा मुद्दा अदालतमा पुगेको थियो । सर्वोच्च अदालतले साउन ३२ मा ‘कानुन बमोजिम गर्नू’ भनी आदेश दिएको भएपनि अदालतको आदेशको अपव्याख्या भएको यशोदा फुड्ले जनाएको छ ।
