स्पेन युरो कप २०२४ को फाइनलमा प्रवेश गरेको छ । फ्रान्स माथि २–१ को पुनरागमन जित निकाल्दै स्पेन १२ वर्ष पछि युरोको फाइनलमा पुग्न सफल भएको हो ।
खेलको ९औँ मिनेटमा नै फ्रान्सले खेलमा अग्रता लिएको थियो । किलियन एमबाप्पेको सुन्दर क्रसमा रान्डाल मुआनीले हेडरमार्फत गोल गर्दै फ्रान्सलाई अग्रता दिलाएका थिए ।
२१औं मिनेटमा स्पेनले बराबरी गोल फर्कायो । १६ वर्षीय लामिन यमालले बक्स बाहिरबाट गरेको प्रहार गोलमा परिणत भएको थियो ।
२५औं मिनेटमा स्पेनले अग्रता लियो । ड्यानी ओल्मोले शक्तिशाली प्रहार गर्दै गोल गरे । यसपछि कुनै गोल नहुँदा स्पेन २–१ ले विजयी हुँदै फाइनल पुग्यो ।
स्पेनले अब भोली हुने इङ्ल्यान्ड र नेदरल्याण्ड्स बीचको दोस्रो सेमिफाइनलको विजेतासँग फाइनल खेल्नेछ । स्पेन २०१२ पछि पहिलो युरो उपाधिको खोजीमा छ ।
