सिटी होटेल लिमिटेडले निष्काशन गरेको हकप्रद बाँडफाँड भएको छ। बिक्री प्रबन्धक प्रभु क्यापिटलका अनुसार कार्तिक ११ गते हकप्रद शेयर बाँडफाँड गरिएको हो ।
कम्पनीले हाल कायम चुक्ता पुँजीको ८० प्रतिशतले हुन आउने १ अर्ब ३३ करोड ९२ लाख रुपैयाँ बराबरको १ करोड ३३ लाख ९२ हजार निष्काशन गरेको थियो। जसमा रितपुर्वक आवेदन दिने ४९ हजार १ सय ८५ जना आवेदकलाई १ करोड १२ लाख ४१ हजार ५ सय ८२ कित्ता हकप्रद शेयर बाँडफाँड गरिएको क्यापिटलले जनाएको छ। यस संगै बिक्री नभएको २१ लाख ५० हजार ४ सय १८ कित्ता शेयर लिलाममा आउने छ।
क्यापिटलले हकप्रदमा नपरेको रकम कार्तिक १२ गते बुधबार देखि सम्बन्धित लगानीकर्ताको बैंक खातामा नै फिर्ता गरिने जनाएको छ ।
नेपाल धितोपत्र बोर्डले साउन ४ गते सिटी होटेल लिमिटेडलाई हकप्रद निष्काशनको अनुमति दिएको थियो।
