सिनर्जी पावर डेभलपमेन्ट लिमिटेडले आर्थिक वर्ष २०८०/८१ को अपरिस्कृत वित्तीय विवरण प्रकाशन गरेको छ। जस अनुसार यस अवधिमा कम्पनीको खुद नाफा ४२.३२ प्रतिशतले बढेको छ।
यस अवधिमा कम्पनीले ९ करोड ८६ लाख ४८ हजार खुद नाफा कमाएको छ । अघिल्लो आर्थिक वर्षको यसै अवधिमा कम्पनीको खुद नाफा ६ करोड ९३ लाख ४२ हजार थियो ।
यस अवधिमा कम्पनीको विद्युत बिक्रीको आम्दानी भने घटेको छ ।कम्पनीको विद्युत बिक्रीको आम्दानी १९.९१ प्रतिशतले घटेर १५ करोड ९१ लाख कायम भएको छ । कम्पनीको ब्याज आम्दानी १४४८ प्रतिशतले बढेको छ भने कम्पनीले कुल खर्च २५.६८ प्रतिशतले घटाएको छ । ब्याज आम्दानी बढ्दा र खर्च घटाउदा विद्युत बिक्रीको आम्दानी घटे पनि कम्पनीको खुद नाफा बढेको देखिन्छ ।
कम्पनीको प्रति शेयर आम्दानी १.७४ रुपैयाँ रहेको छ भने प्रति शेयर नेटवर्थ ११०.३५ रुपैयाँ रहेको छ। कम्पनीको चुक्ता पूंज १ अर्ब २० करोड रहेको छ भने रिजर्भमा ९ करोड ८६ लाख रहेको छ ।
कम्पनीले प्रबद्र्धन गरको सिप्रिङ खोला जलविद्युत आयोजना नेपाल विद्युत प्राधिकरणको निर्देशन बमोजिम सञ्चालन गर्दा पूर्ण क्षमतामा सञ्चालन गर्न नसकिएको कारण विद्युत बिक्री आम्दानी घट्न गएको कम्पनीले जनाएको छ । कम्पनीले सोलुखुम्बु जिल्लामा निर्माण हुने मध्य होङ्गु खोला “ए” जलविद्युत आयोजना (२२ मे.वा.) को प्रबद्र्धक कम्पनी एपेक्स
मकालु हाइड्रो पावर लिमिटेडमा ४० प्रतिशत स्वपूँजी लगानी गर्ने प्रतिवद्धता बमोजिम रू ४४,२७,४४,०००÷– लगानी गरेको छ । उक्त आयोजना निर्माणाधिन अवस्थामा रहेको छ ।
