नेपाल रिपब्लिक मिडियाले आर्थिक वर्ष २०८०/८१ को अपरिस्कृत वित्तीय विवरण प्रकाशन गरेको छ । जस अनुसार अघिल्लो आर्थिक वर्षको तुलनामा कम्पनीको खुद नाफा २८८.२९ प्रतिशतले बढेको छ।
यस अवधिमा कम्पनीले ४० लाख ७७ हजार खुद नाफा कमाएको छ। अघिल्लो आर्थिक वर्षको यसै अवधिमा कम्पनीको खुद नाफा १० लाख ५० हजार थियो । यस अवधिमा कम्पनीको आम्दानी १६.३० प्रतिशतले घटेर १८ करोड ८० लाखमा सिमित भएको छ। त्यस्तै कम्पनीको संचालन मुनाफा पनि २१.६० प्रतिशतले घटेर ६ करोड ६ लाख कायम भएकोछ।
आम्दानी घटे पनि कम्पनीको वित्तीय शुल्क ६ करोड २४ लाख रुपैयाँबाट घटेर ३ करोड ७१ लाख रुपैयाँमा झरेकोले कम्पनीको खुद नाफा बढेको देखिन्छ ।
यस अवधिमा कम्पनीको प्रति शेयर आम्दानी ०.४२ रुपैयाँ तथा प्रति शेयर नेटवर्थ ८८.४१ रुपैयाँ रहेको छ । कम्पनीकोचुकता पुँजी ९६ करोड ७५ लाख रहेको छ ।
