आर्थिक वर्ष २०८०/८१ मा साहस उर्जा लिमिटेडको खुद नाफा २८८ प्रतिशतले बढेको छ। यस अवधिमा कम्पनीको खुद नाफा १० करोड ७१ लाखबाट बढेर ४१ करोड ६० लाख पुगेको छ।
यस अवधिमा कम्पनीको विद्युत बिक्रीबाट हुने आम्दानी ३०० प्रतिशतले बढेको छ । कम्पनीको विद्युत बिक्रीबाट हुने आम्दानी ६१ करोड ७ लाखबाट बढेर २ अर्ब ४४ करोड पुगेको छ।
यस अवधिमा कम्पनीको प्रति शेयर आम्दानी ११.८१ रुपैयाँ, र प्रति शेयर नेटवर्थ १७३.३३ रुपैयाँ रहेको छ । कम्पनीको चुक्ता पुँजी ३ अर्ब ५० करोड रहेको छ भने रिजर्भमा २ अर्ब ५६ करोड रहेको छ।
कम्पनीले सोलुखुम्बुमा ८६ मेगावाटको सोलु दुधकोशी जलविद्युत आयोजना निर्माण सम्पन्न गरि विद्युत बिक्री गरिरहेको छ।
