महिला लघुवित्तले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार आघिल्लो आर्थिक वर्षको तुलनामा कम्पनीको खुद नाफा ५३०.८ प्रतिशत बढेको छ ।
समीक्षा अवधिमा कम्पनीले ९ करोड ४ लाख रुपैयाँ खुद नाफा कमाएको छ। अघिल्लो आर्थिक वर्षको सोहि अवधिमा कम्पनीको खुद नाफा १ करोड ४३ लाख मात्र थियो । यस अवधिमा कम्पनीको खुद ब्याज आम्दानी भने १३.५ प्रतिशतले घटेर २२ करोड ८४ लाख कायम भएको छ । यस अवधिमा कम्पनीको इम्पेयरमेन्ट चार्ज अन्तर्गत ६ करोड ३७ लाख रुपैयाँ रिभर्स भएको छ । जसको कारण खुद ब्याज आम्दानी घटे पनि खुद नाफा भने ५३०.८ प्रतिशत बढेको देखिन्छ।
कम्पनीको वितरणयोग्य मुनाफा ६ करोड २२ लाख रुपैयाँ रहेको छ । यस अवधिमा कम्पनीको प्रति शेयर आम्दानी ६.५९ रुपैयाँबाट बढेर ४१.५९ रुपैयाँ कायम भएको छ ।
कम्पनीको चुक्ता पुँजी २१ करोड ७५ लाख रहेको छ भने रिजर्भमा २० करोड १० लाख रहेको छ । कम्पनीको खराब कर्जा ३.०२ प्रतिशत रहेको छ ।
