सिटिजन्स बैंकले आर्थिक वर्ष २०८२/८३ को चौथो त्रैमासको अपरिस्कृत वित्तीय विवरण प्रकाशन गरेको छ। प्रकाशित वित्तीय विवरण अनुसार यस अवधिमा कम्पनीको खुद नाफा ६३.०५ प्रतिशतले बढेर २ अर्ब ९ करोड पुगेको छ। गत आर्थिक वर्षको सोही अवधिसम्ममा कम्पनीले १ अर्ब २८ करोड खुद नाफा कमाएको थियो।
यस अवधिमा कम्पनीको खुद ब्याज आम्दानी १.९० प्रतिशतले घटेर ६ अर्ब २९ करोड पुगेको छ। कम्पनीको इम्पेरमेन्ट चार्ज २ अर्ब ६८ करोडबाट घटेर ८२ करोड ९३ लाख रुपैयाँमा सिमित भएको छ। यस कारण कम्पनीको ब्याज आम्दानी घटेपनि खुद नाफा वृद्धि भएको देखिन्छ । कम्पनीको संचालन मुनाफा ८१.२६ प्रतिशत बढेर ३ अर्ब ६० करोड पुगेको छ।
यस अवधिमा कम्पनीको वितरणयोग्य मुनाफा ५२ करोड ३१ लाख रहेको छ भने वितरणयोग्य प्रति शेयर नाफा ३.३७ रुपैयाँ रहेको छ।
यस अवधिमा कम्पनी प्रति शेयर आम्दानी १३ रुपैयाँ ५३ पैसा रहेको छ भने प्रति शेयर नेटवर्थ १६०.५१ रुपैयाँ रहेको छ।
१५ अर्ब ५० करोड चुक्ता पुँजी रहेको कम्पनीको रिजर्भमा ९ अर्ब ३८ करोड रुपैयाँ रहेको छ। कम्पनीको खराब कर्जा ५.८८ प्रतिशत रहेको छ।
