नेपाल इन्फ्रास्ट्रक्चर बैंक निफ्राले आर्थिक वर्ष २०८०/८१ को चौथो त्रैमाससम्मको अपरिष्कृत वित्तीय विवरण प्रकाशित गरेको छ। वित्तीय विवरण अनुसार अघिल्लो आर्थिक वर्षको सोहि अवधिको तुलनामा बैंकको खुद नाफा ५.९८ प्रतिशतले घटेको छ।
समिक्षा अवधिमा बैंकले १ अर्ब ३३ करोड ५ लाख रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा बैंकको खुद नाफा १ अर्ब ४१ करोड ५२ लाख रुपैयाँ थियो। यस अवधिमा बैंकको खुद ब्याज आम्दानी पनि ६.४७ प्रतिशतले घटेर २ अर्ब ५४ करोड कायम भएको छ।
समिक्षा अवधिमा बैंकको वितरणयोग्य मुनाफा ७० करोड ७२ लाख रहेको छ । बैंकको प्रति शेयर आम्दानी ६ रुपैयाँ १६ पैसा रहेको छ भने प्रति शेयर नेटवर्थ ११३ रुपैयाँ ७ पैसा रहेको छ। बैंकको खराब कर्जा ०.०१ प्रतिशत रहेको छ।
२१ अर्ब ६० करोड रुपैयाँ चुक्तापुँजी रहेको बैंकको रिजर्भमा २ अर्ब ९५ करोड रहेको छ।
