माछापुच्छ्रे क्यापिटलले निष्काशन गरेको खुलामुखी सामुहिक लगानी कोष योजना (ओपन म्युचुअल फण्ड) को इकाई बाँडफाँड भएको छ । क्यापिटलले ति इकाईहरु पुस १ गते बाँडफाँड गरेको हो।
क्यापिटलले मङ्सिर १४ गतेदेखि मङ्सिर १७ गतेसम्म माछापुच्छ्रे म्युचुअल फण्ड अन्तर्गत संचालन हुने गरि माछापुच्छ्रे एसआईपी योजना नामको खुलामुखी सामुहिक लगानी कोष योजनाको इकाई बिक्री खुला गरेको थियो। यस योजनाको आकार ५० करोड रहेको छ। तर पहिलो चरणमा २० करोड रुपैयाँ बराबरको २ करोड इकाई निष्काशन भएको थियो। २ करोड इकाई मध्ये १५ प्रतिशत अर्थात् ७५ लाख इकाई माछापुच्छ्रे बैंक र माछापुच्छ्रे क्यापिटललाई छुट्याईएको थियो। जसमा बैंकले १४ प्रतिशत र क्यापिटलले १ प्रतिशत इकाई लिएको थियो।
बाँकि रहेको १ करोड २५ लाख इकाई सर्वसाधारणमा निष्काशन भएको थियो। जसमा आवेदन दिने योग्य आवेदकलाई इकाई बाँडफाँड गरिएको क्यापिटलले जनाएको छ।
क्यापिटलले योजना संचालनको अनुमति माग गर्दै असार ३० गते धितोपत्र बोर्डमा आवेदन दिएको थियो। नेपाल धितोपत्र बोर्डले कार्तिक २७ गते योजना संचालनको अनुमति दिएको हो ।
