आज सोमबार शेयरबजार परिसूचक नेप्से समान्य अंकले बढेको छ। दिनभर जसो तिब्र उतारचढाव रहेको शेयरबजार इन्ट्रा डे करेक्सन हुँदै २.१५ अंकले बढेर २४८८.०९ को बिन्दुमा पुगेर रोकिएको हो ।
आज कारोबारमा आएका ३०९ कम्पनीका ३ करोड ९७ लाख ५४ हजार ७ सय ११ कित्ता शेयर खरिद बिक्रिबाट १३ अर्ब ९१ करोड ५५ लाख ३५ हजार ४ सय ४० रुपैयाँ ९८ पैसाको कारोबार भएको छ। जस मध्ये हिमालयन रिइन्स्योरेन्सको सर्वाधिक ३६ करोड ९३ लाखको कारोबार भएको छ। त्यस्तै शिवम सिमेन्टको ३४ करोड ७८ लाखको कारोबार भएको छ।
आज कारोबारमा आएका मध्ये मुक्तिनाथ कृषि कम्पनीको शेयर मूल्य सर्वाधिक १० प्रतिशतले बढेको छ भने नेपाल फाइनान्स ८.६७ प्रतिशत बढेको छ। आज गणपति लघुवित्तको शेयर मूल्य सर्वाधिक ९.९४ प्रतिशत तथा सिक्लेस हाइड्रोको शेयर मूल्य ८.६६ प्रतिशत घटेको छ।
आज कारोबारमा आएका मध्ये उत्पादन तथा प्रशोधन समुह सर्वाधिक २.१६ प्रतिशत बढेको छ भने वाणिज्य बैंक समुह सर्वाधिक १.२३ प्रतिशत घटेको छ।
