प्रधानमन्त्री केपी शर्मा ओलीले शेयर बजार बढ्नु सरकारप्रतिको विश्वास र भरोसा भएको बताएका छन् । आज प्रतिनिधिसभामा विश्वासको मत माग्ने क्रममा सम्बोधन गर्दै शेयरबजार अर्थतन्त्रको ऐना रहेको भन्दै आफ्नो सरकार बने लगतै शेयर बजार बढेको बताए ।
प्रधानमन्त्री ओलीले आफ्नो नेतृत्वको सरकार गठन भएपछि शेयर बजार ४ सय भन्दा धेरै अङ्कले बढेको बताए । उनले अब शेयर बजार मात्र नभई नेपालको हरेक बजार चलायमान हुने बताए । अहिलेको सरकारसँग त्यसको लागि काम गर्न पर्याप्त अनुभव भएको बताए ।
