नेपाल स्टक एक्सचेन्ज नेप्सेमा दरमखोला हाइड्रो इनर्जी लिमिटेडको शेयर सूचीकृत भएको छ । आज बुधबार कम्पनीको १ करोड ३ लाख ५ हजार कित्ता शेयर सूचीकृत भएको हो ।
शेयर सूचीकृत भएपछि बिहीबारबाट कम्पनीको शेयर कारोबार सुरु हुने छ। बिहीबारको स्पेसन प्रि ओपन सेसनमा कम्पनीको पहिलो कारोबार हुने छ। नेप्सेले कम्पनीको पहिलो कारोबारको लागि १४२.८१ रुपैयाँदेखि ४२८.४३ रुपैयाँसम्मको रेन्ज तोकेको छ। यस रेन्जबीचको जुनसुकै मूल्यबाट कम्पनीको पहिलो कारोबार हुन सक्ने छ। कम्पनीको शेयर DHEL सिम्बलबाट कारोबार हुने छ।
कम्पनीले साउन १५ देखि साउन १९ गतेसम्म आम सर्वसाधारणलाई शेयर निष्काशन गरेको थियो। कम्पनीले सर्वसाधारणलाई २४ लाख २३ हजार १ सय ८५ कित्ता शेयर निष्काशन गरेको थियो।
कम्पनीले बागलुङको गलकोट नगरपालिका वडा नम्बर ११ मा ९.६ मेगावाट क्षमताको जलविद्युत आयोजना निर्माण सम्पन्न गरिसकेको छ।
कम्पनीको शेयर रजिष्ट्रारमा लक्ष्मी सनराइज क्यापिटल रहेको छ।
