एनआईसी एशिया बैंकले आफ्नो स्वामित्वमा रहेको सूर्यज्योति लाईफ इन्स्योरेन्सको संस्थापक शेयर बिक्री गर्ने भएको छ । कम्पनीले आफ्नो स्वामित्वमा रहेको सूर्यज्योति लाईफको ३ लाख कित्ता संस्थापक शेयर लिलाम बढाबढ मार्फत बिक्री गर्ने भएको हो।
बैंकले यी शेयरको न्युनतम मूल्य प्रति कित्ता १५० रुपैयाँ कायम गरेको छ । सो भन्दा बढी मूल्य कबुल गरि शेयर खरिदको लागि आवेदन दिनु पर्ने छ। यी शेयर खरिदको लागि हाल कायम संस्थापाक वा जो कोहि व्यक्ति तथा संघ संस्थाले आवेदन दिन सक्ने छन् । आवेदन दिंदा न्युनतम ५ हजार कित्ताको लागि आवेदन दिनु पर्ने छ ।
शेयर लिलाम प्रक्रियाको लागि एनआईसी एशिया क्यापिटल बिक्री प्रबन्धक चयन गरेको छ । आज असार २८ गतेदेखि साउन ३ गते सम्म लिलामीको शेयरमा आवेदन दिन सकिने क्यापिटलले जनाएको छ ।
