सानिगाड हाइड्रो लिमिटेडले श्रम स्वीकृति लिई वैदेशिक रोजगारीमा रहेका नेपालीलाई निष्काशन गरेको आईपीओ बाँडफाँड भएको छ । बिक्री प्रबन्धक लक्ष्मी सनराइज क्यापिटलले आज शेयर बाँडफाँड गरेको हो।
कम्पनीले वैदेशिक रोजगारीमा रहेका नेपालीलाई चैत्र ८ गतेदेखि चैत्र ११ गतेसम्म ५ लाख ७० हजार कित्ता शेयर निष्काशन गरेको थियो। क्यापिटलका अनुसार यस आईपीओमा ९० हजार ९ सय ४५ जनाको आवेदन परेको थियो। जस मध्ये ८३ हजार २ सय १६ जनाको आवेदन मात्र योग्य भएको छ ।
मागभन्दा बढीको आवेदन परेकोले गोलाप्रथाबाट शेयर बाँडफाँड गरिएको छ। जस अनुसार ५७ हजार जनाले १० कित्ताको दरले शेयर पाएका छन् । बाँकी आवेदक भने हात खाली भएका छन् ।
यस कम्पनीले बझांगमा ३४.४६ मेगावाटको अपर कालंगागाड जलविद्युत आयोजना निर्माण सम्पन्न गरि २०७९ फागुन देखि व्यापारिक उत्पादन गरिरहेको छ। कम्पनीका अध्यक्ष उमेश श्रेष्ठ हुन्।
