आरविवि म्युचुअल फण्ड अन्तर्गत संचालित आरविवि म्युचुअल फण्ड १ र आरविवि म्युचुअल फण्ड २ को लाभांश घोषणा भएको छ । राष्ट्रिय बाणिज्य बैंकद्वारा प्रबर्द्धन गरिएको र आरविवि मर्चेन्ट बैंकिङ्ग लिमिटेड योजना व्यवस्थापकको रहेको दुई फण्डको लाभांश घोषणा भएको हो ।
आज भदौ २० गते बिहान ९ बजे बसेको योजना व्यवस्थापकको संचालक समितीको बैठकले लाभांश घोषणा गरेको हो । जस अनुसार आरविवि म्युचुअल फण्ड १ र आरविवि म्युचुअल फण्ड २ योजनाहरुले आर्थिक वर्ष २०८०/०८१ को मुनाफा तथा सो अवधिसम्म रहेको संचित कोष समेतबाट योजनाको ईकाईधनीहरुलाई क्रमशः ३.८१ र ८.७४ प्रतीशत नगद लाभांश (कर सहित) वितरण गर्ने निर्णय गरेको छ।
लाभांश वितरणको लागि बुक क्लोज मिति भने पछि तय हुने छ ।
