सिद्धार्थ म्युचुअल फण्ड अन्तर्गत संचालनमा रहेको सिद्धार्थ इन्भेष्टमेन्ट ग्रोथ स्किम- ३ को लाभांश घोषणा भएको छ। स्किमको आर्थिक वर्ष २०८० / ०८१ को लागि लाभांश घोषणा भएको हो ।
योजना व्यवस्थापक सिद्धार्थ क्यापिटलको २०८१ भाद्र २ गते अपरान्ह ३:१५ बजे बसेको संचालक समितिको बैठकले आर्थिक वर्ष २०८०/०८१ का लागि सिद्धार्थ इन्भेष्टमेन्ट ग्रोथ स्किम-३ का इकाईधनीहरुलाई कर सहित ७% का दरले हुन आउने रकम रु. ५,६४,०६,०००/- (अक्षरेपी पाँच करोड चौसठ्ठी लाख छ हजार रुपैंया मात्र) प्रतिफल वितरण गर्ने निर्णय गरेको हो ।
क्यापिटलले लाभांश वितरणको लागि बुक क्लोज मिति भने पछि तय गर्ने छ ।
