नेपाल वेयरहाउजिङ कम्पनीले साधारणसभा आह्वान गरेको छ । कम्पनीले फागुन १ गते साधारणसभा बोलाएको हो।
कम्पनीले साधारणसभा प्रयोजनको लागि माघ २२ गते बुक क्लोज गर्ने निर्णय गरेको छ। माघ २१ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु:
१. आ.व. २०८१-८२ को सञ्चालक समितिको प्रतिवेदन छलफल गरी पारित गर्ने ।
२. लेखापरीक्षकको प्रतिवेदन सहितको २०८२ आषाढ मसान्तको वासलात तथा आ.व २०८१-८२ को नाफा नोक्सान हिसाब र सोही अवधिको नगद प्रवाह विवरण लगायतका वित्तीय विवरण तथा अनुसूचीहरु माथि छलफल गरी पारित गर्ने ।
३. आ.व. २०८२-८३ को लागि लेखापरिक्षक नियुक्त गर्ने र निजको पारिश्रमिक तोक्ने (साविक लेखापरिक्षक P & B Associates, Chartered Accountants पुनः नियुक्तिको लागि योग्य हुनुहुन्छ) ।
विशेष प्रस्ताव
१. कम्पनीको उद्देश्य थप गर्न प्रबन्ध पत्रमा आवश्यक संशोधन गर्ने ।
२. कम्पनीको प्रबन्ध पत्र तथा नियमावलीमा आवश्यक संशोधन / थप गर्ने र नियमनकारी निकायबाट प्रबन्धपत्र तथा नियमावलीमा थपघट, परिवर्तन वा संशोधनको निर्देशन भएमा वा आवश्यकता अनुसार प्रबन्धपत्र तथा नियमावलीमा परिवर्तन वा संशोधन गर्न परेमा सो गर्न गराउन सञ्चालक समितिलाई अख्तियारी दिने ।
