मानुषी लघुवित्तको संस्थापक तथा कर्मचारीहरुको नाममा रहेको शेयरको लक इन अवधि २०८१ भदौ ७ गते समाप्त हुने भएको छ । कम्पनीले आईपीओ निष्काशन गरि बाँडफांड गरेको ३ वर्ष पुरा भएकोले संस्थापक शेयरधनीको नाममा रहेको ७ लाख कित्ता शेयर र कर्मचारीहरुको नाममा रहेको ५ हजार ४ सय ६९ कित्ता शेयरको लक् इन अवधि २०८१ भदौ ७ गते समाप्त हुने भएको हो।
कम्पनीको साधारण शेयर २०७८ भदौ ७ गते बाँडफाँड गरिएकोथियो । कम्पनीको साधारण शेयर सर्वसाधारणकालागि सार्वजनिक निष्काशन गरी बाँडफाँड गरिएको तीन वर्ष समाप्त भएसम्म संस्थापक शेयरधनी तथा कर्मचारीहरुले धारण गरेको शेयर लक इन मा राख्नु पर्ने व्यवस्था भए बमोजिम लक इनमा राखिएको उक्त शेयरको २०८१ भदौ ७ गते लक इन अवधि समाप्त हुने कम्पनीले जनाएको छ ।
शेयरको लकइन् अवधि सकिने भएपनि कम्पनीका संस्थापक शेयरधनीले दोस्रो बजारबाट सहजै आफ्नो नाममा रहेको शेयर बिक्री गर्न पाउने छैनन् । त्यस्तै कम्पनीको संचालक समितिका पदाधिकारीहरु तथा उच्च व्यवस्थापन तहमा रहेका कर्मचारीहरुले भने खरीद बिक्री गर्न पाउने छैनन् ।
