साताको दोस्रो दिन आज सोमबार शेयर बजार परिसूचक नेप्से सामान्य अंकले घटेको छ । आज नेप्से सूचक ४.६२ अंकले घटेर २१३६.३५ को बिन्दुमा पुगेर रोकिएको छ ।
आज कारोबारमा आएका ३२४ कम्पनीका १ करोड ४ लाख ७५ हजार १ सय ८१ कित्ता शेयर खरिद बिक्रीबाट ४ अर्ब ५६ करोड ९८ लाख ३६ हजार १ सय ६ रुपैयाँको कारोबार भएको छ। जस मध्ये एनआरएन इन्फ्रास्ट्रकचर एण्ड डेभलपमेन्टको सर्वाधिक २८ करोड ७० लाखको कारोबार भएको छ । त्यस्तै जानकी फाइनान्सक्जो १५ करोड ५५ लाख तथा सीईडिबी हाइड्रोको ९ करोड ६३ लाखको कारोबार भएको छ ।
आज कारोबारमा आएका मध्ये समाज लघुवित्तको शेयर मूल्य सर्वाधिक ९.६८ प्रतिशतले बढेको छ । यस सँगै कम्पनीको शेयर मूल्य प्रति कित्ता ३४०० रुपैयाँ पुगेको छ ।
आज एनआईसी एसिया बैंकको ऋणपत्रको शेयर मूल्य ६.०१ प्रतिशत, सिन्धु विकास बैंकको शेयर मूल्य ५.१६ प्रतिशत तथा दोर्दीखोला हाइड्रोको शेयर मूल्य ५.०३ प्रतिशत बढेको छ ।
आज मैलुंग खोला जलविद्युत कम्पनीको शेयर मूल्य सर्वाधिक ८.३९ प्रतिशत, तथा आँखुखोला जलविद्युत कम्पनीको शेयर मूल्य ४.२७ प्रतिशत घटेको छ ।
आज कारोबारमा आएका मध्ये फाइनान्स , माइक्रोफाइनान्स र म्युचुअल फण्डका समुहगत सूचक बढेका छन् । जस मध्ये माइक्रोफाइनान्स समुह सर्वाधिक ०.९२ प्रतिशत बढेको छ। आज होटेल तथा टुरिजम समूह सर्वाधिक ०.९५ प्रतिशत घटेको छ ।
