आज बुधबार शेयर बजार परिसूचक नेप्से झिनो अंकले बढेको छ ।दिनभर जसो रातो रहेको नेप्से सूचक ३.७९ अंकले बढेर २१०४.२२ को बिन्दुमा पुगेर रोकिएको छ ।
आज कारोबारमा आएका ३१४ कम्पनीका १ करोड ७१ लाख ३४ हजार ८२ कित्ता शेयर खरिद बिक्रीबाट ५ अर्ब ८ करोड ३५ लाख २८ हजार ९ सय ३५ रुपैयाँ १७ पैसाको कारोबार भएको छ । जस मध्ये मन्जुश्री फाइनान्सको सर्वाधिक २३ करोड १ लाखको कारोबार भएको छ भने आइसीएफसी फाइनान्सको १७ करोड ४९ लाख, रिलायन्स फाइनान्सको १६ करोड ५२ लाख तथा सेन्ट्रल फाइनान्सको १३ करोड ५ लाखको कारोबार भएको छ ।
आज कारोबारमा आएका मध्ये सेन्ट्रल फाइनान्स र आईसीएफसी फाइनान्सको शेयर मूल्य १० प्रतिशतले बढेको छ । त्यस्तै गुहेश्वरि मर्चेन्ट बैंक एण्ड फाइनान्सको शेयर मूल्य ९.९८ प्रतिशत तथा मन्जुश्री फाइनान्सको शेयर मूल्य ९.९६ प्रतिशत बढेको छ।
आज चिर्ख्वा हाइड्रोको शेयर मूल्य सर्वाधिक ४.७० प्रतिशतले घटेको छ भने हिमालय उर्जा विकास कम्पनीको शेयर मूल्य ४.२७ प्रतिशत घटेको छ ।
आज कारोबारमा एक मध्ये ट्रेडिङ समुह सर्वाधिक ६.१२ प्रतिशत बढेको छ भने फाइनान्स समुह ६.०४ प्रतिशत बढेको छ । आज बैंकिङ्ग समुह, विकास बैंक समुह र इन्भेष्टमेन्ट समुहको सूचक पनि बढेको छ। आज उत्पादन तथा प्रशोधन समुह सर्वाधिक १.०७ प्रतिशत घटेको छ ।
