आज मंगलबारको प्रि ओपन सेसनमा शेयर बजार परिसूचक नेप्से दोहोरो अंकले बढेको छ। आज प्रि ओपन सेसन मै नेप्से सूचक ३२.४४ अंकले बढेर २०८५.८२ को बिन्दुमा पुगेको छ ।
प्रि ओपन सेसनमा कारोबारमा आएका सबै १७३ कम्पनीको शेयर मूल्य बढेको छ। प्रि ओपन सेसनमा कुल २ करोड ४४ लाख रुपैयाँको कारोबार भएको छ। हरेक दिन बिहान १०:३० देखि १०:४५ सम्म प्रि ओपन सेसन हुने गरेको छ ।
हालको सत्ता समीकरण फेरबदल भएर एमाले र कांग्रेस सम्मिलित सरकार बन्ने सहमति राजनीतिक वृत्तमा भएपछि शेयर लगानीकर्ता उत्साहित भएका छन् । एमालेले अर्थ मन्त्रालय पाउने सहमति भए पछि फेरी एमालेबाट विष्णु पौडेल अर्थमन्त्री हुने बजार चर्चा छ। उनी शेयर बजारले अत्यधिक रुचाएका अर्थ मन्त्री हुन् ।
