आइसिएफसि फाइनान्सको त्रिशूली शाखा बट्टारमा स्थानान्तरण भएको छ । भदौ १० गते भोटेकोशी नदीमा आएको विनाशकारी बाढीका कारण क्षतिग्रस्त भएको त्रिशूली शाखा बट्टारमा स्थानान्तरण गरिएको फाइनान्सले जनाएको छ ।
स्थानान्तरण गरिएको शाखा असोज ५ गते सोमबारदेखि पुनः सञ्चालनमा आएको छ ।
उक्त बाढीका कारण बिदुर नगरपालिका १, त्रिशूलीस्थित शाखा कार्यालय पूर्णरूपमा क्षतिग्रस्त भई बन्द रहेको थियो । फाइनान्सले उक्त स्थानमा शाखा पुनःस्थापना तथा सञ्चालन गर्न सकिने अवस्था नरहेकाले बिदुर नगरपालिका–४, बट्टारमा स्थानान्तरण गरेको हो ।
अब यसअघि त्रिशुली शाखाका ग्राहकहरूले बट्टारस्थित नयाँ शाखाबाट नियमित सेवा प्राप्त गर्न सक्ने कम्पनीले जनाएको छ ।
