आज मंगलबार शेयर बजार परिसूचक दोहोरो अंकले घटेको छ। आज नेप्से सूचक १८.७६ अंकले घटेर २०७६.४९ को बिन्दुमा पुगेर रोकिएको छ ।
आज कारोबारमा आएका ३१८ कम्पनीका ९५ लाख ४४ हजार ७ सय ३४ कित्ता शेयर खरिद बिक्रिबाट ४ अर्ब ५ करोड ५७ लाख ३७ हजार ८ सय ८४ रुपैयाँ ३२ पैसाको कारोबार भएको छ । जस मध्ये बरुण हाइड्रोको सर्वाधिक ११ कोर्द २७ लाख तथा सिइडिबि हाइड्रोको ११ करोड १३ लाखको कारोबार भएको छ ।
आज समाज लघुवित्तको शेयर मूल्य सर्वाधिक १० प्रतिशत बढेको छ भने मान्डु हाइड्रोको शेयर मूल्य ७.८३ प्रतिशत बढेको छ। आज मनकामना स्मार्ट लघुवित्त र कुथेली बुखारी स्मल हाइड्रोको शेयर मूल्य १० प्रतिशत घटेको छ ।
आज कारोबारमा आएका सबै समुहगत सूचक घटेका छन् । जस मध्ये बन्किंग समुह १.१६ प्रतिशत तथा फाइनान्स समुह १.०४ प्रतिशत घटेको छ ।
