अपर हेवाखोला हाइड्रो पावर कम्पनीले स्थगित भएको आर्थिक २०७९/८० को साधारणसभाको लागि नयाँ मिति तय गरेको गरेको छ । कम्पनीले २०८१ असार २६ गते काठमाडौँको गौशालामा साधारणसभा आह्वान गरेको हो ।
कम्पनीले यस अघि २०८० चैत्र १६ गतेको लागि साधारणसभा आह्वान गरेकोमा चैत्र ११ मै सुचना निकालेर सभा स्थगित गरेको थियो । स्थगित भएको सोहि सभाको लागि कम्पनीले असार२६ को नयाँ मिति तय गरेको हो ।
कम्पनीले साधारणसभा प्रयोजनको लागि २०८० फागुन २४ गते नै बुक क्लोज गरिसकेको छ । २०८० फागुन २३ गतेसम्म कायम शेयरधनीले मात्र कम्पनीको साधारणसभमा भाग लिन सक्ने छन् ।
यस्ता छन् कम्पनीको सभामा पेश हुने प्रस्तावहरु :
साधारण प्रस्ताव
१) सञ्चालक समितिको तर्फबाट अध्यक्षले प्रस्तुत गर्ने आ.व. २०७९ / ०८० को वार्षिक प्रतिवेदन उपर छलफल गरी पारीत गर्ने ।
२) लेखा परीक्षकको प्रतिवेदन सहितको आ.व. २०७९/०८० को वासलात, नाफा नोक्सान हिसाव, नगद प्रवाह विवरण र सोसंग सम्बन्धीत अनुसूचिहरु लगायतका वित्तीय विवरणहरु स्वीकृत गर्ने ।
३) कम्पनी ऐनको दफा १११ बमोजिम आ.व.२०८०/०८१ को लेखा परीक्षण गर्नका लागि लेखा परीक्षण समितिको सिफारिश बमोजिम लेखा परीक्षक नियुक्ती गर्ने तथा निजको पारिश्रमिक तोक्ने ।
विशेष प्रस्ताब
१) उपयुक्त नयाँ जलविद्युत आयोजना पहिचान गरी लगानी गर्ने वा अन्य कम्पनीद्धारा प्रवर्धित वा निमार्णाधिन जलविद्युत आयोजनामा लगानी गर्ने सम्बन्धमा ।
२) सर्वसाधारण शेयरधनी समुहबाट प्रतिनिधित्व गर्ने १ जना सञ्चालकको पद रिक्त रहेकोले उक्त पदमा बाँकी अवधिका लागि सञ्चालकको निर्वाचन गर्ने ।
३) सञ्चालक समितिबाट गरिएको स्वतन्त्र सञ्चालकको नियुक्तिको अनुमोदन गर्ने ।
