प्रभु महालक्ष्मी लाइफ इन्स्योरेन्सले लाभांश घोषणा गरेको छ। कम्पनीको भदौ ७ गते बसेको संचालक समितिको बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले हाल कायम रहेको चुक्ता पुँजीको १० प्रतिशत बराबर बोनश शेयर तथा सो मा लाग्ने कर प्रयोजनको लागि ०.५२६ प्रतिशत नगद लाभांश समेत गरी कुल १०.५२६ प्रतिशत लाभाशं वितरण गर्न प्रस्ताव गरेको छ। नेपाल बीमा प्राधिकरणले स्वीकृत गरेपछि र कम्पनीको आगामी वार्षिक साधारण सभाले पारित गरेपछि उक्त लाभांश लगानीकर्तामा वितरण हुने छ।
१० प्रतिशत लाभांश प्रस्ताव कम्पनीको चुक्ता पुँजी ४ अर्ब ७२ करोड पुग्ने छ । कम्पनीले त्यसपछि ७ प्रतिशत हकप्रद निष्काशन गरेर चुक्ता पुँजी ५ अर्ब पुर्याउने प्रस्ताव पनि गरेको छ । कम्पनीले यस अघि १७ प्रतिशत हकप्रद निष्काशन गर्ने प्रस्ताव गरेकोमा हालसम्म पनि प्राधिकरणले स्वीकृत नगरेकोले अब ७ प्रतिशत हकप्रद निष्काशन गर्ने प्रस्ताव गरेको हो ।
