सन नेपाल लाइफ इन्स्योरेन्सको निमित्त सीइओको जिम्मेवारी कवि फूँयालले पाएका छन्। कम्पनीको चैत्र २४ गते बसेको संचालक समितिको बैठकले कम्पनीमा वरिष्ठ उप प्रमुख कार्यकारी अधिकृत रहेका फूँयाललाई निमित्त सीइओको जिम्मेवारी दिने निर्णय गरेको हो।
कम्पनीका सीईओ राजकुमार अर्याल पक्राउ परेपछि कम्पनीले फूँयाललाई निमित्त सीइओको जिम्मेवारी दिएको हो। उनलाई नेपाल प्रहरीको केन्द्रीय अनुसन्धान ब्युरो (सीआईबी) ले चैत्र १६ गते सोमबार पक्राउ गरेको थियो।
कम्पनीले कर्मचारीलाई छुट्याएको सेयरमा किर्ते गरेको अरोपमा अनुसन्धानका लागि उनी पक्राउ परेका हुन्। अर्यालले कर्मचारीको सेयर बाँडफाँटमा किर्ते गरेर आफूलाई धेरै शेयर राखेको आरोप छ ।
