हिमालयन लाइफ इन्स्योरेन्सका अध्यक्ष शुलभ अग्रवालले राजीनामा दिएका छन् । उनले कम्पनीको अध्यक्ष पदको साथै संचालक पदबाट पनि राजीनामा दिएका हुन् ।
उनले चैत्र १९ गते राजीनामा दिएका हुन्। चैत्र २० गते बसेको संचालक समितिको बैठकले उनको राजीनामा स्वीकृत गरेको छ।
सम्पत्ति शुद्दीकरणको अनुसन्धानमा तानिएपछि उनले राजीनामा दिएका हुन् । सम्पत्ति शुद्दीकरणको अनुसन्धानको लागि प्रहरीले व्यवसायी दीपक भट्टलाई पक्राउ गरेको थियो। त्यसपछि शंकर ग्रुपका अध्यक्ष शंकरलाल अग्रवाल पक्राउ परे। यी दुई व्यवसायीक साझेदार हुन् । अनुसन्धान कै क्रममा शंकरलाल अग्रवालका छोरा शुलभ अग्रवाल पनि पक्राउ पारिसकेका छन् ।
अनुसन्धानमा तानिने भएपछि शुलभ अग्रवालले गत बिहीबार नै राजीनामा दिएका हुन् ।
