सन् २०१७ तिर विश्व बैंकले नेपालको पर्यटन क्षेत्रबारे अध्ययन विश्लेषण गर्दा एक वर्षमा थप दश लाख विदेशी पर्यटक नेपाल भित्रिएमा १ लाख ६७ हजारले जागिर पाउँछ भन्ने निष्कर्ष निकाल्यो । यति scale मा रोजगारी सृजना गर्ने अरु कुनै क्षेत्र छैन । पक्का पनि समग्र पर्यटन उद्योग विकासको लागि सरकारले र निजी क्षेत्रले गर्नु पर्ने साना/ठूला कामहरु दर्जनौँ छन्।
तर, विदेशी पर्यटक संख्या exponentially बढाउन अनिवार्य रूपमा गर्नैपर्ने दुईवटा काम छन्, जुन सरकारले मात्र गर्न सक्छ र निजी क्षेत्रले गर्न सक्दैन ।
१, नेपाल भनेको भ्रमण गर्न लायकको एक unique मुलुक हो भनि विश्वको ८ अर्ब जनसंख्याको माझमा प्रचार प्रसार गर्ने काम ।
२, नेपाल भ्रमणमा आउन चाहने विदेशीहरुलाई हवाई भाडा घटाउन पर्याप्त मात्रामा बजेट खर्च गरेर जुनसुकै उपाय अपनाएर भएपनि राष्ट्रिय ध्वजावाहकको विदेशी गन्तव्यहरुको संख्या बढाएर एशियाकै सबैभन्दा महँगो हवाई गन्तब्य भइरहेको चंगुलबाट बाहिर ल्याउने काम ।
(कसांकार नेपाल वायुसेवा निगमका तत्कालिन महाप्रबन्धक हुन्)
