नेपाल पर्यटन बोर्डको प्रमुख कार्यकारी अधिकृत (सीईओ)मा दीपकराज जोशी नियुक्त भएका छन् । बोर्डको पूर्वसीईओ समेत रहेका उनलाई आज बोर्ड सञ्चालक समितिले सीईओमा नियुक्त गरेको हो ।
बोर्ड सदस्य तथा संस्कृति, पर्यटन तथा नागरिक उड्डयन मन्त्रालयका सहसचिव इन्दु घिमिरे संयोजक रहेको तीन सदस्यीय छनोट उपसमितिले बिहिबारै जोशीसहित निवर्तमान सीईओ धनन्जय रेग्मी र ज्ञानेश्वर सिंह महतोको नाम सिफारिस गरेको थियो ।
छनोट उपसमितिबाट आएका नाममाथि बोर्डको सञ्चालक समितिको बिहीबारको बैठकमा छलफल गरी जोशीलाई नियुक्त गर्ने निर्णय गरेको हो ।
