सन् २०२५ को सेप्टेम्बर महिनामा ७८ हजार भन्दा बढी विदेशी पर्यटकले नेपालको भ्रमण गरेका छन् । पर्यटन बोर्डले सार्वजनिक गरेको तथ्यांक अनुसार सेप्टेम्बर महिनामा ७८ हजार ७११ जना विदेशी पर्यटक नेपाल भित्रिएका हुन् ।
यसमध्ये सबैभन्दा धेरै भारतीय पर्यटक छन् । यस महिनामा भारतबाट १५ हजार ५५६ जना पर्यटक नेपाल आएका छन् ।
अमेरिकाबाट ९ हजार ६७९, अष्ट्रेलियाबाट ६ हजार ८२४, चीनबाट ५ हजार २३७ र बेलायतबाट ४ हजार ९८१ जना पर्यटक नेपाल आएका छन् । श्रृलङ्काबाट ४ हजार ६१६, बंगलादेशबाट ३ हजार १५, जर्मनीबाट २ हजार २३०, इजरायलबाट १ हजार ७४३ र मलेसियाबाट १ हजार ६७३ जना पर्यटक नेपाल आएका छन् ।
