नेपालमा फिक्स्ड ब्रोडब्याण्ड सेवाको इन्टरनेट प्रयोग गर्ने ग्राहकको संख्या ३१ लाख ३२ हजार कटेको छ। नेपाल दुरसंचार प्राधिकरणको पछिल्लो तथ्यांक अनुसार २०८२ वैशाखसम्ममा फिक्स्ड ब्रोडब्याण्ड प्रयोग गर्ने ग्राहकको संख्या ३१ लाख ३२ हजार ३ सय ५० पुगेको हो । २०८१ चैत्रको तुलनामा ग्राहकको संख्या १ हजार ६ सय ९५ ले बढेको हो ।
३१ लाख ३२ हजार ३ सय ५० ग्राहक मध्ये ३१ लाख १ हजार १ सय ५७ ग्राहक एफटीटीएच प्रविधि सेवाका छन् भने २९ हजार ५ सय २७ ग्राहक रेडियो (वाईफाई) का छन्। बाँकि १ हजार ६ सय ६६ ग्राहक एडीएसएल केवल प्रविधिमा अधिरित सेवाका ग्राहक हुन् ।
कुल ३१ लाख ३२ हजार ३ सय ५० ग्राहक मध्ये वल्डलिंक कम्युनिकेशन एक्ल्यैसँग १० लाख ३ हजार ९ सय ४९ ग्राहक छन् । जुन कुल ग्राहक संख्याको ३२.०५ प्रतिशत हो। त्यस्तै दोस्रो नम्बरमा रहेको नेपाल टेलिकमसँग ३ लाख ५१ हजार ९ सय १२ ग्राहक छन्, जुन कुल ग्राहक संख्याको ११.२३ प्रतिशत हो। तेस्रो स्थानमा रहेको डिश मिडिया नेटवर्कसँग ३ लाख ५० हजार ४ सय ६ ग्राहक छन्, जुन कुल ग्राहक संख्याको ११.१९ प्रतिशत हो।
हेर्नुस् धेरै ग्राहक हुने १० इन्टरनेट सेवा प्रदायक :
वल्डलिंक कम्युनिकेशन: १० लाख ३ हजार ९ सय ४९ ग्राहक (३२.०५ प्रतिशत)
नेपाल टेलिकम : ३ लाख ५१ हजार ९ सय १२ ग्राहक (११.२३ प्रतिशत)
डिश मिडिया नेटवर्क : ३ लाख ५० हजार ४ सय ६ ग्राहक (११.१९ प्रतिशत)
सुबिशु केवलनेट: ३ लाख १० हजार २ सय ९४ ग्राहक (९.९१ प्रतिशत)
भायानेट कम्युनिकेशन : २ लाख ४५ हजार ९ सय ४५ ग्राहक (७.८५ प्रतिशत)
क्लासिक टेक: १ लाख ८२ हजार ९ सय ८६ ग्राहक (५.८४ प्रतिशत)
वेबसर्फर : १ लाख ७६ हजार ६९ ग्राहक (५.६२ प्रतिशत)
टेक माइन्ड्स नेटवर्क: ८५ हजार ८ सय ९१ ग्राहक (२.७४ प्रतिशत)
सिजी कम्युनिकेशन : ८० हजार ८ सय ५४ ग्राहक (२.५८ प्रतिशत)
वाईफाई नेपाल : ७४ हजार २९ ग्राहक (२.३६ प्रतिशत)
