रिभर फल्स पावर लिमिटेडले आर्थिक वर्ष २०८०/८१ कोचौथो त्रैमासको अपरिस्कृत वित्तीय विवरण प्रकाशन गरेको छ। वित्तीय विवरण अनुसार आर्थिक वर्ष २०७९/८० को तुलनामामा २०८०/८१ मा कम्पनीको खुद नाफा करिब ६७४ प्रतिशतले बढेको छ ।
आर्थिक वर्ष २०८०/८१ मा कम्पनीले ६ करोड १६ लाख खुद नाफा कमाएको छ । यस भन्दा अघिल्लो आर्थिक वर्षमा कम्पनी १ करोड ७ लाख थियो ।
कम्पनीको आयोजनाले विद्युत उत्पादन सुरु गरेसँगै कम्पनीको आम्दानी बढेर कम्पनी नाफामा गएको हो । कम्पनीले २०८० साल साउन २५ गतेबाट विद्युतको व्यावसायिक उत्पादन थालेको हो । आर्थिक वर्ष २०८०/८१ मा कम्पनीले विद्युत बिक्रीबाट १८ करोड २४ लाख आम्दानी गरेको छ।
यस अवधिमा कम्पनीको प्रति शेयर आम्दानीको ८ रुपैयाँ ८२ पैसा, प्रतिशेयर नेटवर्थ १००.१४ रुपैयाँ तथा मूल्य आम्दानी अनुपात ४१.८७ गुणा रहेको छ । ७० करोड चुक्ता पुँजी रहेको कम्पनीको रिजर्भमा ९ लाख ९४ हजार रुपैयाँ रहेको छ ।
