जेपर्ट हाइड्रो इण्डिया प्रालिले खिम्ती घ्वाङखोला साना जलविद्युत आयोजनाको इलेक्ट्रो मेकानिकल कार्य गर्ने भएको छ । यो आयोजना वन्डर्स इनर्जी प्रालिले निर्माण गर्न लागेको हो। ९ मेगावाट क्षमताको सो आयोजनाको इलेक्ट्रो मेकानिकल कार्य जेपर्टले गर्ने भएको हो ।
यस समबन्धि सम्झौतामा जेपर्ट हाइड्रो इण्डिया प्रालिको तर्फबाट संचालक अमरजित सिंह र प्रबर्दक कम्पनी वन्डर्स इनर्जी प्रालिका तर्फबाट संचालक प्रकाश दुलालले हस्ताक्षर गरेका छन्। यस आयोजनामा फेदीखोला जलविद्युत कम्पनीको लगानी रहेको छ । फेदीखोला जलविद्युत आयोजनाको इलेक्ट्रो मेकानिकल कार्य पनि जेपर्टले नै गरिरहेको छ।
जेपर्टका नेपाल निर्देशक राज किशोर यादवका अनुसार हाल भएको सम्झौतासंगै नेपालमा जेपर्टको प्रोजेक्ट संख्या १९ पुगेको छ। जसमा ९ वटा आयोजना सञ्चालनमा आइसकेका छन्।
