विद्यार्थीसँग अवैध रुपमा चर्को शुल्क लिएको पाइएपछि युनिग्लोब हाइयर सेकण्डरी स्कुललाई वाणिज्य विभागले २ लाख जरिवाना गरेको छ । वाणिज्य आपूर्ति तथा उपभोक्ता संरक्षण विभागले अनुगमनका क्रममा उक्त स्कुलले अवैध रुपमा पैसा लिएको भेटेपछि २ लाख ५ हजार नगद जरिवाना गराएको हो ।
काठमाडौँ महानगरपालिका २८ मा सञ्चालित युनिग्लोब हाइयर सेकण्डरी स्कुलले विद्यार्थी र अभिभावकसँग जथाभावी शुल्क लिएको भेटिएको विभागले जनाएको छ । यसपछि २ लाख ५ हजार जरिवाना गर्दै विभागले विद्यालयलाई तीन दिनभित्र सम्पूर्ण कागजात पेश गर्न निर्देशन दिएको छ ।
यस्तै काठमाडौं महानगरपालिका १६ मा सञ्चालित प्रेसिडेन्सियल अब्रोड एकेडेमी नामक कन्सल्टेन्सीलाई पनि विभागले आजै १ लाख जरिवाना गरेको छ ।
