नेपाली कांग्रेसका कोषाध्यक्ष एवम् पूर्वमन्त्रीसमेत रहेका व्यवसायी उमेश श्रेष्ठले राजावादी समूहको आन्दोलनका क्रममा मारिएका सविन महर्जनकी छोरीलाई निःशुल्क शिक्षाको प्रबन्ध गर्ने घोषणा गरेका छन् । श्रेष्ठले मृतक महर्जनको परिवारको आर्थिक अवस्था कमजोर रहेको पाइएपछि उनकी छोरीलाई कक्षा १२ सम्म निःशुल्क पढाउने भएका हुन् ।
“सविनको परिवारसँग छलफलपछि उहाँहरूको आर्थिक अवस्था कमजोर रहेको थाहा भयो, राम्रो विद्यालयमा पढाउने इच्छा रहेछ, इच्छाअनुसार महर्जनकी आठ वर्षीया छोरीलाई कीर्तिपुरको ल्याबोरेटरी स्कुलमा कक्षा १२ सम्म निःशुल्क अध्ययन गर्ने व्यवस्था गरेको छु’ पूर्वमन्त्री श्रेष्ठले भनेका छन्, ‘विद्यालय प्रशासन र कीर्तिपुर नगरपालिकाका नगरप्रमुखसँग समेत यस विषयमा कुरा भएको छ ।”
