बेपत्ता भएको एयर डाइनेस्टीको हेलिकप्टर नुवाकोटमा दुर्घटनामा परेको पुष्टि भएको छ । काठमाडौँबाट रसुवाको स्याफ्रुबेसी उडेको एयर डाइनेस्टीको हेलिकप्टर शिवपुरी ७ सूर्यचौर क्षेत्रमा दुर्घटनामा परेको पुष्टि भएको हो ।
नुवाकोट प्रहरी प्रमुख एसपी शान्तिराज कोइरालाका अनुसार शिवपुरी ७ सूर्यचौर क्षेत्रमा हेलिकप्टर दुर्घटना भएको खबर आएपछि प्रहरीसहितको उद्दार टोली पुगिसकेको छ । अहिले उद्धारको काम भइरहेको उनको भनाइ छ ।
हेलिकप्टर दुर्घटना स्थलमा आगलागी भइरहेको बताइएको छ ।
उक्त हेलिकप्टरमा ४ जना यात्रु सवार रहेको बताइएको छ ।
