नेपालका लागि बीवाईडीको आधिकारिक वितरक साइमेक्स इंकले नेपाली बजारमा बीवाईडीको मल्टिपर्पोज भेहिकल एम–सिक्स भित्र्याएको छ । कम्पनीले नेपाल ल्याएको एम–सिक्स सार्वजनिकको तयारी गरेको छ ।
साइमेक्सका अनुसार एम–सिक्स नेपाली बजारमा ५५.४ किलोवाट आवर र ७१.८ किलोवाट आवरका दुई भेरियन्ट भित्रिएका छन् । ६ सिटर मोडललाई सुपेरियर मोडल नाम दिइएको छ भने ७ सिटर मोडललाई स्ट्यान्डर्ड मोडल नाम दिइएको छ ।
५५.४ किलोवाट आवर ब्याट्री क्षमता भएको एम–सिक्सले ४२० किलोमिटर र ७१.८ किलोवाट आवर ब्याट्री क्षमताको एम–सिक्सले ५३० किलोमिटर रेन्ज दिने बताइएको छ ।
यो कर पर्याप्त लेग र हेडरूमसहितको इन्टेरियर डिजाइनमा तयार पारिएको छ । यसमा सफ्ट–टच प्लास्टिक र उच्च गुणस्तरको अपहोल्स्टरी सामग्री प्रयोग गरिएको छ । १२.८ इन्चको रोटेसनल इन्फोटेनमेन्ट स्क्रिन, डिजिटल इन्स्ट्रुमेन्ट क्लस्टर, मल्टिजोन क्लाइमेट कन्ट्रोल, एम्बियेन्ट लाइटिङ र प्यानोरामिक सनरुफ जस्ता सुविधा समावेश रहेको कम्पनीले जनाएको छ ।
१९ इन्चका अलोइ ह्विल, एलईडी टेल लाइट, पावर टेलगेट र स्लिम एलईडी हेडलाइट भएको यो गाडीको मूल्य भने सार्वजनिक भइसकेको छैन । कम्पनीले गाडी सार्वजनिक गर्दा मूल्य पनि सँगै सार्वजनिक गर्ने तयारी गरेको बुझिएको छ ।
