चीसो सुरु भएसँगै अण्डाको भाउ बढेको छ । नेपाल लेयर्स कुखुरापालक संघले सोमबारदेखि लागु हुने गरी अण्डाको भाउ बढाएको हो ।
उत्पादन घटेको र खपत बढेको भन्दै भाउ बढाउनु परेको संघले जनाएको छ । जसअनुसार प्रतिक्रेट ५० रुपैयाँले भाउ बढेको छ ।
संघका अध्यक्ष विनोद पोखरेलका अनुसार अब ठूलो अण्डाको मूल्य प्रतिक्रेट ५ सय रुपैयाँ र मध्यम साइजको अण्डाको भाउ प्रतिक्रेट ४ सय ५० रुपैयाँ पुगेको छ ।
अब उपभोक्ताले एउटा अण्डा किन्दा २२ रुपैयाँ हाराहारी तिर्नुपर्ने भएको छ ।
