कुनै गाडीले पाँच मिनेटको सोरुम अवलोकनमा राम्रो प्रभाव पार्न सक्छ, तर एक घण्टाको यात्रापछि थकान महसुस गराउन सक्छ । यी दुई अनुभवबीचको फरक प्रायः सिटमा हुन्छ। यसले शरीरलाई कसरी सपोर्ट गर्छ, दबाब कसरी व्यवस्थापन गर्छ र यात्राको अवधिअनुसार यात्रुलाई बस्ने मुद्रा परिवर्तन गर्न दिन्छ कि दिँदैन भन्ने विषय महत्वपूर्ण हुन्छ ।
दिपल निभो क्यू०५ मा सिटलाई सामान्य उपकरण होइन, यसको समग्र कम्फर्ट अनुभवको प्रमुख भागका रूपमा विकास गरिएको छ ।
क्यू०५ मा नौ तहमा तयार गरिएको सिट संरचना प्रयोग गरिएको छ। यसको उद्देश्य नरमपन, सपोर्ट र टिकाउपनबीच सन्तुलन कायम गर्नु हो ।
एउटै बाक्लो कुसनमा निर्भर हुनुको सट्टा फरक(फरक तहले फरक भूमिका निर्वाह गर्छन् । केही तहले सिटको बाहिरी आकार बनाउँछन्, केहीले शरीरमा पर्ने दबाब समान रूपमा वितरण गर्छन् भने भित्री संरचनाले लामो यात्रामा आवश्यक सपोर्ट दिन्छ ।
यसको लक्ष्य सुरुमा मात्र नरम लाग्ने सिट बनाउनु होइन। यात्रा लामो हुँदै जाँदा पनि निरन्तर आराम दिन सक्ने बसाइ तयार गर्नु हो ।
पछाडिका यात्रुलाई विशेष ध्यान दिइएको छ। दोस्रो पंक्तिको सिटलाई २८ र ३३ डिग्रीका दुई कोणमा ढल्काउन सकिन्छ। छोटो यात्रा वा कुराकानीका लागि सिधा पोजिसन उपयुक्त हुन्छ भने लामो यात्रामा थप ढल्किएको अवस्था आरामदायी हुन सक्छ ।
यो सामान्यजस्तो देखिने समायोजनले पछाडिको सिटलाई स्थिर बेन्चबाट यात्रुको आवश्यकता बुझ्ने ठाउँमा रूपान्तरण गर्छ ।
२,७३५ एमएमको ह्विलबेसले यो सिट अनुभवलाई आवश्यक स्पेस दिन्छ। पर्याप्त लेगरुमसँगै पछाडिको सिटमा तीन जना वयस्क बस्न सक्ने व्यवस्था छ ।
नेपालमा एउटै गाडीले पारिवारिक, व्यावसायिक र सामाजिक आवश्यकताहरू पूरा गर्नुपर्ने हुन्छ। यस्तो अवस्थामा कम्फर्ट चालकका लागि मात्र सीमित हुन सक्दैन ।
सिट वरिपरिको क्याबिनले पनि आराममा योगदान पुर्याउँछ । नियमित रूपमा छुने ठाउँमा सफ्ट(टच सामग्री प्रयोग गरिएको छ ।
वास्तविक कम्फर्टको परीक्षा यात्रा लामो भएपछि हुन्छ । ट्राफिक बढ्दै जाँदा, सडक असमान हुँदा वा यात्रा धेरै घण्टा लम्बिँदा सिटको संरचना र बस्ने मुद्रा परिवर्तन गर्ने क्षमताको अर्थ स्पष्ट हुन्छ ।
क्यू०५ को कम्फर्ट यात्रु वास्तवमा कसरी बस्छन्, मुद्रा परिवर्तन गर्छन् र विश्राम लिन्छन् भन्ने आधारमा विकास गरिएको छ। यही सोचले सामान्य सिट फिचरलाई ‘अ क्लास अबभ’ अनुभवमा रूपान्तरण गर्छ ।
