युनिक नेपाल लघुवित्तले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार आघिल्लो आर्थिक वर्षको तुलनामा कम्पनीको खुद नाफा २२.९ प्रतिशत बढेको छ ।
समीक्षा अवधिमा कम्पनीले ४ करोड ७९ लाख रुपैयाँ खुद नाफा कमाएको छ। अघिल्लो आर्थिक वर्षको सोहि अवधिमा कम्पनीको खुद नाफा ३ करोड ९० लाख मात्र थियो । यस अवधिमा कम्पनीको खुद ब्याज आम्दानी भने ६.६ प्रतिशतले घटेर २५ करोडमा सिमित भएको छ ।
यस अवधिमा कम्पनीको वितरणयोग्य मुनाफा १८ करोड ६५ लाख ५१ हजार २४ रुपैयाँ रहेको छ भने वितरणयोग्य प्रतिशेयर आम्दानी १२५ रुपैयाँ ६ पैसा रहेको छ। कम्पनीको वितरणयोग्य मुनाफा कम्पनीको चुक्ता पुँजीभन्दा बढी हो । यस अवधिमा कम्पनीको प्रति शेयर आम्दानी २६.२७ रुपैयाँबाट बढेर ३२.२८ रुपैयाँ पुगेको छ भने कम्पनीको प्रति शेयर नेटवर्थ ३३४.३८ रुपैयाँ रहेको छ ।
कम्पनीको चुक्ता पुँजी १४ करोड ८५ लाख रहेको छ भने रिजर्भमा १९ करोड ५५ लाख रहेको छ । कम्पनीको खराब कर्जा १४.७१ प्रतिशतबाट घटेर १२.७४ कायम भएको छ।
