मेरो माइक्रोफाइनान्सले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार आघिल्लो आर्थिक वर्षको तुलनामा कम्पनीको खुद नाफा ३६२.५९ प्रतिशत बढेको छ ।
समीक्षा अवधिमा कम्पनीले २१ करोड ९५ लाख रुपैयाँ खुद नाफा कमाएको छ। अघिल्लो आर्थिक वर्षको सोहि अवधिमा कम्पनीको खुद नाफा ४ करोड ७४ लाख मात्र थियो । यस अवधिमा कम्पनीको खुद ब्याज आम्दानी १४.०६ प्रतिशतले बढेर ८७ करोड ४८ लाख पुगेको छ । खुद ब्याज आम्दानी बढेको र कम्पनीले सम्भावित जोखिमको लागि छुट्याएको इम्पेरमेन्ट चार्ज १२ करोड ५४ लाख रुपैयाँबाट घटेर १ करोड ९४ लाख रुपैयाँमा कायम गरेकोले कम्पनीको खुद नाफामा उछाल आएको हो।
कम्पनीको वितरणयोग्य मुनाफा १९ करोड ६२ लाख रुपैयाँ रहेको छ भने वितरणयोग्य प्रतिशेयर आम्दानी १४ रुपैयाँ ८७ पैसा रहेको छ। यस अवधिमा कम्पनीको प्रति शेयर आम्दानी ३.६० रुपैयाँबाट बढेर १६.६३ रुपैयाँ कायम भएको छ । त्यस्तै कम्पनीको प्रति शेयर नेटवर्थ १६०.५३ रुपैयाँ रहेको छ ।
कम्पनीको चुक्ता पुँजी १ अर्ब ३२ करोड रहेको छ भने रिजर्भमा ८४ करोड ४५ लाख रहेको छ । कम्पनीको खराब कर्जा भने बढेर ७.६८ प्रतिशत पुगेको छ ।
