आर्थिक वर्ष २०८०/८१ को चौथो त्रैमासमा हिमालयन लघुवित्तको खुद ब्याज आम्दानी १४.२२ प्रतिशतले बढेको छ। अघिल्लो आर्थिक वर्षको सोहि अवधिको तुलनामा हिमालयन लघुवित्तको खुद ब्याज आम्दानी १४.२२ प्रतिशतले बढेर २३ करोड ७२ लाख पुगेको छ।
खुद ब्याज आम्दानी बढेपनि कम्पनीको खुद नाफा भने घटेको छ। कम्पनीको खुद नाफा २४.८१ प्रतिशतले घटेर ७५ लाख ५० हजार कायम भएको छ। अघिल्लो आर्थिक वर्षको सोहि अवधिमा कम्पनीको खुद नाफा १ करोड थियो।
लघुवित्तले सम्भावित जोखिमको लागि इम्पेरमेन्ट चार्ज अन्तर्गत छुट्याएको रकम १ करोड ७० लाखबाट बढेर २ करोड ६१ लाख रुपैयाँ पुगेको छ। सोहि कारण कम्पनीको खुद ब्याज आम्दानी बढे पनि खुद नाफा घटेको हो। कम्पनीको वितरणयोग्य मुनाफा २२ लाख ८९ हजार ४ सय ५९ रुपैयाँ रहेको छ।
समीक्षा अवधिमा कम्पनीको निक्षेप ९.०३ प्रतिशतले बढेर ९० करोड ४२ लाख पुगेको छ भने कम्पनीको ऋण लगानी १४.५४ प्रतिशतले घटेर ३ अर्ब ७८ करोड पुगेको छ।
३१ करोड ९८ लाख चुक्ता पुँजी रहेको कम्पनीको शेयर प्रिमियममा ४ करोड ५५ लाख रहेको छ भने रिजर्भमा १० करोड १९ लाख रहेको छ ।
यस अवधिमा कम्पनीको खराब कर्जा २.३७ प्रतिशतबाट बढेर ३.६५ प्रतिशत पुगेको छ। कम्पनीको प्रति शेयर आम्दानी २ रुपैयाँ ३६ पैसा रहेको छ भने प्रति शेयर नेटवर्थ १४५ रुपैयाँ ४१ पैसा पुगेको छ।
