सबैको लघुवित्त वित्तीय संस्था लिमिटेड र साधना लघुवित्त वित्तीय संस्था लिमिटेड मर्ज भएर सम्पदा लघुवित्त वित्तीय संस्था लिमिटेडको नाममा एकिकृत कारोबार हुने भएको छ। राष्ट्र बैंकले असार १३ गते सम्पदा लघुवित्तको नामबाट एकिकृत कारोबार गर्न स्वीकृति प्रदान गरेको हो ।
यस अघि राष्ट्र बैंकले साधना लघुवित्त वित्तीय संस्था रहने गरी स्वीकृति दिएपछि विवाद बढेको थियो । सबैको लघुवित्तका कर्मचारीहरुलले मर्जरपछि बन्ने लघुवित्तको नाम सबैको साधना लघुवित्त हुनु पर्ने माग सहित आन्दोलन थालेका थिए । आन्दोलनपछि सम्पदा लघुवित्तको नाममा सबै सहमत भएका हुन् ।
हाल साधनाको केन्द्रीय कार्यलय गोरखाको हरमटारीमा रहेको छ भने सबैकोको केन्द्रीय कार्यलय तनहूँको डुम्रेमा रहेको छ ।
