गुहेश्वरी मर्चेन्ट बैंकिङ्ग एण्ड फाइनान्सले बिद्यार्थीलाई ‘ब्याग’ वितरण गरेको छ। फाइनान्सले ललितपुर महानगरपालिका-२२ मा अवस्थित श्री क्लार्क मेमोरियल हिमालय प्राइमरी स्कूलमा अध्ययनरत विद्यार्थीहरुको शैक्षिक गुणस्तर अभिबृद्धिका लागि स्कूल ब्याग वितरण गरेको जनाएको छ।
उक्त अवसरमा विद्यालयका प्रधानाध्यापक यज्ञरत्न शाक्य, कम्पनीका प्रमुख कार्यकारी अधिकृत तोयराज अधिकारी,सहायक महाप्रबन्धक श्रीमती अर्चना प्रधान, मूख्य प्रबन्धक श्रीमती शिल्पा प्रधानाङ्ग तथा अन्य कर्मचारीहरु तथा विद्यालयको शिक्षक शिक्षिकाहरु र विद्यार्थीहरुको उपस्थिति थियो ।
कम्पनीले संस्थागत सामाजिक उत्तरदायित्व अन्तर्गत विगत देखिनै सामाजिक कार्य गर्दै आइरहेकोे बताएको छ । साथै कम्पनीले आगामी दिनहरुमा पनि यसैगरी सहयोग कार्यलाई निरन्तरता दिने पनि बताएको छ ।
कम्पनीले मुलुकभर २३ वटा शाखा कार्यालयहरु, चार वटा विस्तारित काउण्टरहरुबाट सेवा प्रदान गर्दै आइरहेको छ । यसका साथै कम्पनीले एटीएम सेवा, मोबाइल बैकिङ्ग सेवाहरु जस्ता आधुनिक बैकिङ्ग सेवाहरु समेत प्रदान गर्दै आइरहेको छ ।
