समृद्धि फाइनान्सको इटहरी शाखाले जेष्ठ नागरिकसँग अन्तरक्रिया तथा सम्मान कार्यक्रम आयोजना गरेको छ ।
कम्पनीले मंगलबार इटहरी उपमहानगरपालिका कार्यालय परिसरमा जेष्ठ नागरिक समाज समूहका ८५ जना जेष्ठ नागरिकसँग बचतको बानीले भविष्यको जीवनयापन सहज बनाउन तथा विभिन्न डिजिटल बैंकिङ कारोबार तथा यसको अवसर बारेमा अन्तरक्रिया गरेको थियो । साथै सोही अवसरमा कम्पनीले जेष्ठ नागरिकलाई खादा ओडाएर सम्मान पनि गरेको थियो ।
उक्त अन्तरक्रियामा ८५ जना जेष्ठ नागरिकको सहभागिता थियो ।
कम्पनीले हाल १३ वटा शाखा कार्यालयमार्फत् नगद कारोबार, आरटीजीएस, आईपीएस, कनेक्ट आईपीएस, रेमिटान्स, क्लियरिङ्गलगायतका बैंकिङ्ग सेवा प्रदान गर्दै आएको छ ।
यसका साथै कम्पनीले मोवाइल बैंकिङ्ग, डेबीट कार्ड, क्यूआर कोडलगायतका डिजिटल सुविधाहरु नि : शुल्क प्रदान गरिरहेको पनि बताएको छ।
