आईसीएफसी फाइनान्स लिमिटेडले ऋणपत्र निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले असार १८ गते बोर्डमा आवेदन दिएको हो ।
फाइनान्सले प्रति ऋणपत्र १,००० रूपैयाँ अंकित मूल्यमा ३ लाख कित्ताले हुन आउने ३० करोड रूपैयाँ बराबरको ऋणपत्र निष्कासन गर्न लागेको हो । यो ऋणपत्र मध्ये १ लाख ८० हजार कित्ता व्यक्तिगत तवरबाट बिक्री गरिने छ भने १ लाख २० हजार कित्ता ऋणपत्र सर्वसाधारणको लागि निष्काशन हुने छ। सर्वसाधरणको लागि छुट्टयाइएको १ लाख २० हजार कित्तामध्ये ५ प्रतिशत ऋणपत्र सामुहिक लगानी कोषका लागि छुट्टयाएको छ ।
वार्षिक ९ प्रतिशत ब्याजदर रहेको यो ऋणपत्रको अवधि ७ वर्षको नै रहेको छ । ऋणपत्र निष्काशनको लागि कुमारी क्यापिटल बिक्री प्रबन्धक रहेको छ । बोर्डले अनुमति दिएपछि बैंकले ऋणपत्र निष्काशन गर्ने छ।
