सहकारी संस्थाको बचत रकम दुरुपयोग सम्बन्धमा छानबिन गर्न बनेको गठित संसदीय छानबिन विशेष समितिको समयावधि थप गरिएको छ ।
मंगलबार प्रतिनिधिसभामा राखिएको समितिको समयावधि थप सम्बन्धी प्रस्ताव बहुमतले पारित भएको हो ।
समितिको म्याद १५ दिन थप भएको सभामुख देवराज घिमिरेले घोषणा गरेका छन् । यसअघि समितिको कार्यावधि भदौ २२ गतेसम्म रहेकोमा अब १५ दिन थपिएको छ ।
प्रतिनिधिसभाको बैठकमा सहकारी सम्बन्धमा संसदीय विशेष छानबिन समितिका संयोजक सूर्य थापाले समयावधि थप सम्बन्धि प्रस्ताव पेश गरेका थिए ।
