सहकारी संस्थाको बचत रकम दुरुपयोग सम्बन्धी संसदीय छानबिन विशेष समितिले आज पूर्वगृहमन्त्री रवि लामिछानेसँग सोधपुछ गर्दैछ । राष्ट्रिय स्वतन्त्र पार्टी (रास्वपा)का सभापतिसमेत रहेका लामिछानेलाई आज दिउँसो २ बजे सोधपूछका लागि बोलाइएको समिति सभापति सूर्य थापाले जानकारी दिएका छन् ।
विभिन्न सहकारी संस्थाबाट गोरखा मिडिया नेटवर्क प्रा.लि.मा लगानी भएको देखिएको र लामिछाने गोरखा मिडिया नेटवर्कको पूर्व प्रबन्ध निर्देशक रहेकाले उनीसँग सोधपूछ गर्न लागिएको समिति सभापति थापाले जानकारी दिएका छन् ।
लामिछानेभन्दा अगाडि आज बिहान ११ बजे समितिले गोरखा मिडिया नेटवर्कका सञ्चालक छविलाल जोशीसँग पनि सोधपुछ गर्दैछ ।
समितिको ३ महिने समयावधि भदौ २३ गते सकिँदैछ ।
